2026 жылғы 1 маусым – Халықаралық балаларды қорғау күніне орай ШЖҚ «Алматы облысының фтизиопульмонология орталығының» КМК балалар мен жасөспірімдер бөлімшесінде сауықтыру емін алып жатқан балаларға арналған мерекелік іс-шара ұйымдастырылды.

Мереке таңертеңнен бастап көтеріңкі көңіл-күйде өтті. Бөлімше түрлі-түсті шарлармен безендіріліп, балаларға тәтті сыйлықтар мен тосынсыйлар әзірленді. Арнайы шақырылған аниматорлар қызықты ойындар, сайыстар, әндер мен билер ұйымдастырып, балаларға ерекше қуаныш сыйлады.

Іс-шара барысында сауықтыру емін алып жатқан балалар шаттыққа бөленіп, көтеріңкі көңіл-күй мен жарқын әсер алды. Мұндай мерекелер балалардың сауығу үдерісіне оң ықпал етіп, оларға жағымды эмоциялар сыйлайды, өмірге деген сенімін арттырады және балалық шақтың ұмытылмас естеліктерін қалыптастырады.

Орталық ұжымы сауықтыруда жүрген барлық балаларды Халықаралық балаларды қорғау күнімен құттықтап, оларға зор денсаулық, көтеріңкі көңіл-күй, бақытты балалық шақ және жарқын болашақ тіледі.