«Алматы облысының фтизиопульмонология орталығы»
2025 жылдың қазан, қараша айларында Алматы облысының Медициналық ұйымдарының жалпы тәжірибе дәрігерлеріне:

— « Туберкулез бойынша 9 айдағы эпидемиологиялық көрсеткіштер»;

— «Туберкулезді емдеудің қысқа жолдары: заманауи тәсілдер мен ем тағайындау алгоритмдері»;

— «Туберкулез инфекциясы, алдын-алу шаралары»
тақырыбында бір күндік тренинг жүргізілді.
Тренинг «Алматы облысы фтизиопульмонология орталығында» Облыстық Денсаулық сақтау басқармасының қолдауымен өткізілді.
Тренингтің негізгі мақсаты мен міндеттері:
А) Тренинг қатысушыларын дәріге төзімді туберкулез, туберкулезді емдеудің жаңа қысқаша режимдерімен таныстыру;
Б) Қатысушылардың алғашқы медициналық-санитарлық көмекте туберкулез туралы, дәріге төзімді туберкулез, туберкулез инфекциясы, инфекциялық бақылау шараларын анықтау, дәрілердің жағымсыз әсерлерін анықтау, емдеу, диагностикалау бойынша білімдерін жаңарту;
В) Ақпараттық жүйе (НРБТ, КМИС) бойынша есеп деректерін алу бойынша қатысушылардың білімін жаңарту.
Тренинг интерактивті режимде талқылау, ситуациялық мәселелерді шешу, сұрақ-жауап сессиялары түрінде өтті.
Қатысушылардың саны 220 (тізім және қатысу туралы есеп қоса беріледі).
Тренингтің спикерлері «Алматы облысының фтизиопульмонология орталығының» мониторинг және бағалау тобының мамандары.